იოსებ კობზონის გარდაცვალების მიზეზი კიბოს პროგრესირება გახდა, განუცხადა „რია ნოვოსტის“ რუსეთის ჯანდაცვის ბლოხინის სახელობის ეროვნული სამედიცინო-ონკოლოგიური კვლევითი ცენტრის ყოფილმა დირექტორმა მიხეილ დავიდოვმა. კობზონი აღნიშნულ ცენტრში გადიოდა მკურნალობის პროცესს.
„მას ონკოლოგიური დაავადება ჰქონდა, რამაც პროგრესირება დაიწყო. ეს მეოთხე სტადია იყო. ტრაგედია, ჩვენთვის და ყველასათვის, კოლოსალურია“, განაცხადა დავიდოვმა.
მისი თქმით, კობზონმა გერმანიაში ოპერაცია გაიკეთა, რის შემდეგაც სამკურნალოდ რუსეთში დაბრუნდა. მრავალი წლის განმავლობაში სახალხო არტისტი ქიმიოთერაპიაზე იმყოფებოდა, თუმცა დავიდოვის განცხადებით, ამის მიუხედავად იგი შემოქმედებით საქმიანობას მაინც განაგრძობდა და გასტროლებზეც დადიოდა.
საბჭოთა კავშირის სახალხო არტისტი, რუსეთის სახელმწიფო სათათბიროს დეპუტატი, იოსებ კობზონი 30 აგვისტოს 80 წლის ასაკში გარდაიცვალა. 11 სექტემბერს მას 81 წელი უსრულდებოდა. იგი 1937 წელს უკრაინაში, დონეცკის ოლქის ქალაქ ჩასოვში დაიბადა, სიმღერა კი ადრეული ასაკიდან დაიწყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.