თურქეთის გამარჯვების დღესასწაულსა და თურქეთის შეიარაღებული ძალების დღესთან დაკავშირებით, საქართველოში თურქეთის რესპუბლიკის საელჩოში ოფიციალური მიღება გაიმართა.
თურქეთის საგანგებო და სრულუფლებიანი ელჩის ფატმა, იაზგანის სახელით გამართულ მიღებას საქართველოს თავდაცვის მინისტრი ლევან იზორია, მინისტრის პირველი მოადგილე ლელა ჩიქოვანი და საქართველოს შეიარაღებული ძალების გენერალური შტაბის უფროსი გენერალ-მაიორი ვლადიმერ ჩაჩიბაია დაესწრნენ.
ლევან იზორიამ თურქეთის ელჩსა და თურქ ხალხს დღესასწაული მიულოცა და მშვიდობა, კეთილდღეობა და წარმატებები უსურვა.
სიტყვით გამოსვლისას მან საქართველოსა და თურქეთს შორის თავდაცვის სფეროში ორმხრივი თანამშრომლობის მნიშნველობაზე გაამახვილა ყურადღება.
ლევან იზორიამ ხაზგასმით აღნიშნა, რომ ქართველი და თურქი სამხედროები მხარდამხარ ასრულებენ „მტკიცე მხარდაჭერის მისიას“ ავღანეთში და წვლილი შეაქვთ ევროატლანტიკური უსაფრთხოების უზრუნველყოფაში. გამარჯვების დღესასწაული და თურქეთის შეიარაღებული ძალების დღე თურქეთში ყოველი წლის 30 აგვისტოს აღინიშნება.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.