„საინჟინრო ქვედანაყოფების სიტუაციური სწავლება“ ვაზიანის მე-5 პოლიგონზე საჩვენებელი წვრთნით დღეს დასრულდა. ორკვირიან წვრთნაში საინჟინრო ბრიგადის მესანგრეთა ბატალიონი, ქიმიური ოცეული და EOD-ის ჯგუფები, ასევე IV მექანიზებული ბრიგადის ასეული და სატანკო ოცეული მონაწილეობდა. საინჟინრო ქვედანაყოფის ვითარებაზე ორიენტირებული წვრთნების მთავარ ამოცანას საინჟინრო ქვედანაყოფების მომზადება, თავდაცვის და შეტევითი ოპერაციების საინჟინრო მხრდაჭერა, ასევე ზურგის რაიონის საინჟინრო მხარდაჭერა წარმოადგენდა.
დასკვნით სწავლებას გენერალური შტაბის უფროსის მოადგილე, ბრიგადის გენერალი შალვა ჯაბახიძე და სახმელეთო ჯარების აღმოსავლეთ სარდალი, პოლკოვნიკი ალექსანდრე კიკნაძე დაესწრნენ.
მექანიზებულმა ასეულმა და საინჟინრო ქვედანაყოფებმა სიმულაციური ობიექტების დაცვა განახორციელეს. მათ ბრძოლაში ჩართვის რაიონში მოწყობილი სხვადასხვა ტიპის საინჟინრო ფეთქებადი და არაფეთქებადი დაბრკოლების გადალახვა მოუწიათ. სამხედრო ინჟინრებმა სიმულაციური დაბრკოლებების შემცირება მოახდინეს, შემდეგ კი, ობიექტზე შეტევა განახორციელეს. გათამაშდა EOD-ის ოპერაცია და აუფეთქებელი საბრძოლო მასალების გაუნებელყოფა. ქიმიურმა ოცეულმა ქიმიური იარაღის შედეგად დაბინძურებული ტერიტორიების გაწმენდაც უზრუნველყო. სწავლებაში გამოყენებული იყო საინჟინრო ტექნიკა.
ორკვირიანი სწავლების ფარგლებში სამხედრო მოსამსახურეები ურთიერთშეთანხმებით კოორდინირებულად მოქმედებდნენ და საინჟინრო დაბრკოლებების მოწყობაში პრაქტიკული უნარ-ჩვევები დახვეწეს.
ინფორმაციას თავდაცვის უწყების პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.