შეერთებული შტატების პრეზიდენტმა, დონალდ ტრამპმა ჩრდილოეთ კაროლინა სტიქიური უბედურების ზონად გამოაცხადა მას შემდეგ, რაც ტროპიკულმა ქარიშხალმა 7 ადამიანის სიცოცხლე იმსხვერპლა და მოელიან, რომ რეგიონი კიდევ უფრო საშინელი შედეგების მომსწრე გახდება.
ქარიშხალ „ფლორენსის“ სიჩქარე 80კმ/სთ–მდე შემცირდა, მაგრამ ვარაუდობენ, რომ იგი შემდგომ კატასტროფულ წყალდიდობებს გამოიწვევს.
ზოგიერთ ქალაქში წყლის დონემ 60სმ–ს გადააჭარბა და მეტეოროლოგები პროგნოზირებენ, რომ ნალექის დონემ შესაძლოა 1 მეტრსაც კი მიაღწიოს.
ჩრდილოეთ და სამხრეთ კაროლინაში, დაახლოებით 1 მილიონ ადამიანს ელექტროენერგია არ მიეწოდება.
ამასობაში, მსოფლიოს მეორე ნაწილში, ფილიპინებზე, რომელსაც ასევე ქარიშხალი დაატყდა თავს, ათეულზე მეტი, სულ მცირე 14 ადამიანი დაიღუპა.
პრეზიდენტ ტრამპის მიერ ჩრდილოეთ კაროლინას 8 ოლქის უბედურების ზონად გამოცხადება ნიშნავს იმას, რომ რეგიონი ფედერალურ დაფინანსებას მიიღებს. კერძოდ, თანხები სახლების და სხვა უძრავი ქონების აღსადგენად იქნება გამოყოფილი, ასევე გაიცემა დაბალპროცენტიანი სესხები, რომ დაიფაროს დაზღვევის არ მქონე დანაკარგები.
თეთრმა სახლმა განაცხადა, რომ მომავალ კვირას რეგიონს შესაძლოა პრეზიდენტი ესტუმროს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.