რუსთავში, სამშვიდობო მისიებში დაღუპული ქართველი მებრძოლების ხსოვნისადმი მიძღვნილი გარბენი გაიმართა. სპორტულ აქტივობაში სახმელეთო ჯარების აღმოსავლეთ სარდლობის ყველა ქვედანაყოფი, ასევე ეროვნული გვარდიის, სპეციალური ოპერაციების ძალებისა და დასავლეთ სარდლობის წარმომადგენლები მონაწილეობდნენ. სამხედროების გარბენი რუსთავქალაქობისადმი მიძღვნილ მარათონს დაემთხვა, რომელიც ქალაქ რუსთავის მერიის ორგანიზებით მიმდინარეობდა.
სამშვიდობო მისიებში დაღუპული მებრძოლების ხსოვნისადმი მიძღვნილი გარბენის გამარჯვებული საინჟინრო ბრიგადის სამხედრო მოსამსახურე კაპრალი გიორგი ლომიძე გახდა. სიმბოლური თასი გადაეცა IV მექანიზებული ბრიგადის 43-ე მსუბუქი ქვეითი ბატალიონის გუნდს და მის მეთაურს ვიცე-პოლკოვნიკ ლაშა დავითაძეს.
სპორტულ ღონისძიებას სახმელეთო ჯარების აღმოსავლეთ სარდალი პოლკოვნიკი ალექსანდრე კიკნაძე და რუსთავის მერი ირაკლი ტაბაღუა დაესწრნენ.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.