გურამ თუშიშვილი მსოფლიო ჩემპიონია. თუშიშვილმა ბაქოში მიმდინარე მსოფლიო ჩემპიონატის ფინალამდე (+100 კგ.) ოთხი ბრძოლა მოიგო. დღის პირველ შეხვედრაში მან რუმინელი დანიელ ნატეა დაამარცხა, მეორე დაპირისპირებაში კი, უკრაინელ იაკივ ხამოს აჯობა.
„დრამატული გამოვიდა მეოთხედფინალი, რომელშიც გურამი ჰოლანდიელ როი მაიერს შეხვდა. თუშიშვილმა ორთაბრძოლა დამატებით დროში შესრულებული გდებით მოიგო.
ტურნირის ნახევარფინალში ქართველი სპორტსმენი მონღოლ დურენბაიარ ულზიბაიარს შეხვდა, რომელიც ბრძოლის დაწყებიდან სამ წუთში იპონით დაამარცხა.
ფინალურ შეხვედრაში გურამ თუშიშვილი უშანგი კოკაურს შეხვდა, რომელიც მასპინძელი აზერბაიჯანის სახელით ასპარეზობდა. აქამდე სპორტსმენები ერთმანეთს ორჯერ შეხვედროდნენ (ბაქო 2017; ზაგრები 2018) და ორივე დაპირისპირება გურამ თუშიშვილის გამარჯვებით დასრულდა.
ფინალური ბრძოლა დაძაბული გამოდგა. ბრძოლის დასრულებამდე წუთითა და ათი წამით ადრე ვაზაარი კოკაურმა მოიპოვა, მაგრამ მსაჯებმა გაუუქმეს. დაპირისპირების ძირითადი დროის დასრულებამდე ოთხი წამი რჩებოდა, როდესაც თუშიშვილმა კარგი ჩავლება აიღო, ილეთი შეასრულა და გამარჯვება იპონით მოიპოვა.
ეს მიმდინარე მსოფლიო ჩემპიონატზე, საქართველოს ნაკრებისთვის პირველი ოქროს მედალი იყო. ბრინჯაოს მედალი ტურნირის პირველ დღეს ამირან პაპინაშვილმა აიღო, ხოლო ვერცხლს კი ნაკრების კაპიტანი, ვარლამ ლიპარტელიანი დაეუფლა", იტყობინება საზოგადოებრივი მაუწყებელი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.