ქარიშხალმა „მაიკლმა“ ფლორიდას სანაპირო რაიონებს „წარმოუდგენელად გამანადგურებელი“ დარტყმა მიაყენა და „უამრავმა ადამიანმა ყველაფერი დაკარგა“, განაცხადა შტატის გუბერნატორმა, რიკ სკოტმა.
როგორც BBC იუწყება, ყველაზე დიდი ზიანი ფლორიდას ჩრდილო-დასავლეთ სანაპიროს მიადგა. განადგურებულია სახლები, წაქცეულია ხეები და ელექტროგადამცემი ხაზები ქუჩების გასწვრივ არის მიწაზე გართხმული.
ქარიშხალი „მაიკლი“, 155 მ/სთ (250 კმ/სთ) სიჩქარით, ფლორიდის შტატს ოთხშაბათს დაატყდა თავს და სულ მცირე 6 ადამიანის სიცოცხლე იმსხვერპლა, ახლა კი ის შესუსტდა და ჩრდილო-აღმოსავლეთისაკენ გადაინაცვლა.
370 000 ადამიანი გააფრთხილეს ევაკუაციის აუცილებლობაზე, მაგრამ ოფიციალური პირები დარწმუნებული არიან, რომ ბევრმა მათგანმა გაფრთხილება ყურად არ იღო.
გუბერნატორმა სკოტმა განაცხადა, რომ აშშ-ის სანაპირო დაცვის სამსახურმა ღამის განმავლობაში 10 მისია განახორციელა და სულ მცირე 27 ადამიანის სიცოცხლე გადაარჩინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.