საქართველოში ვიზიტად აშშ-ის ჯორჯიის შტატის ეროვნული გვარდიის დელეგაცია იმყოფება. დელეგაციის ხელმძღვანელს, ჯორჯიის შტატის ეროვნული გვარდიის უფროსს, გენერალ-მაიორ ჯოზეფ ჯერარდსა და სხვა წევრებს დღეს საქართველოს შეიარაღებული ძალების გენერალური შტაბის უფროსის მოადგილემ, ბრიგადის გენერალმა შალვა ჯაბახიძემ უმასპინძლა.
თავდაცვის სამინისტროს პრესსამსახურის ცნობით, მხარეებმა საქართველოს შეიარაღებული ძალების ეროვნულ გვარდიასა და აშშ-ის ჯორჯიის შტატის ეროვნულ გვარდიას შორის თანამშრომლობის საკითხები განიხილეს.
საუბარი შეეხო საქართველოს ეროვნულ გვარდიაში განხორციელებულ და მიმდინარე რეფორმებს, რეზერვის ახალ კონცეფციას, კრიზისების მართვის მენეჯმენტს, რომელიც საქართველოს ეროვნული გვარდიის ერთ-ერთ ძირითად ამოცანას წარმოადგენს. ბრიგადის გენერალმა შალვა ჯაბახიძემ აშშ-ის ჯორჯიის შტატის ეროვნული გვარდიის წარმომადგენლებს მხარდაჭერისა და ნაყოფიერი თანამშრომლობისთვის მადლობა გადაუხადა.
შეხვედრის დასრულების შემდეგ საქართველოს ეროვნულ გვარდიასა და აშშ-ის ჯორჯიის შტატის ეროვნულ გვარდიას შორის თანამშრომლობის 24-ე წლისთავის აღსანიშნავად საზეიმო მიღებაც გაიმართა.
დღესვე, გენერალ-მაიორმა ჯოზეფ ჯერარდმა პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის ინსტრუქტორი, მაღალი მთის ჯგუფის უფროსის კურსის უფროსი მაიორი შოთა სხირტლაძე ჯორჯიის შტატის ეროვნული გვარდიის სახელით მედლით დააჯილდოვა. ამერიკულმა მხარემ მაიორ შოთა სხირტლაძეს გამორჩეული პროფესიონალიზმისა და თანამშრომლობისთვის, წლების განმავლობაში საჩხერის სამთო მოზადების სკოლაში ამერიკელი კადეტების მომზადებისა და გაწეული დახმარებისთვის მადლობა გადაუხადა.
აშშ-ის ჯორჯიის შტატის ეროვნული გვარდიის დელეგაცია საქართველოში ორდღიანი ვიზიტით იმყოფება. დღეს გენერალ-მაიორი ჯოზეფ ჯერარდი საქართველოს თავდაცვის მინისტრთან, ლევან იზორიასთან ერთად კიბერუსაფრთხოების ბიუროს ესტუმრება. დაგეგმილია ვიზიტი ქალაქ თელავში, ეროვნული გვარდიის მე-20 კადრირებულ ბრიაგადაშიც.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.