ამერიკის შეერთებული შტატების პრეზიდენტი დონალდ ტრამპი უარყოფს გავრცელებულ ცნობებს იმის შესახებ, რომ თეთრი სახლი ქაოსს აქვს მოცული და აღნიშნულს „მცდარს“ და „ყალბ ახალ ამბებს“ უწოდებს.
CBS-ის გადაცემა „60 წუთისთვის“ თეთრ სახლში მიცემულ ინტერვიუში ტრამპი ამბობს, რომ ადმინისტრაციაში საკადრო ცვლილებები იქნება, იქ ახალი ადამიანები მივლენ და ამჟამად დასაქმებულთა ნაწილს წასვლა მოუწევს.
პრეზიდენტმა თქვა, რომ მას „დიდებული კაბინეტი“ ჰყავს, მაგრამ არიან ადამიანები, რომლებითაც ის კმაყოფილი არაა.
ჟურნალისტის, ლესლი სტოლის არაერთგზის დაჟინებული შეკითხვის მიუხედავად, ტრამპმა არ დაასახელა ის მაღალჩინოსნები, ვისითაც იგი უკმაყოფილოა.
შეკითხვაზე - რას იტყოდა გენერალ მატისზე და დატოვებს თუ არა ის თავდაცვის მინისტრის პოსტს? - ტრამპმა უპასუხა: „არ ვიცი. მას ამის შესახებ არ უთქვამს ჩემთვის. მე მასთან კარგი ურთიერთობა მაქვს... ვფიქრობ, რომ იგი „დემოკრატის“ ტიპისაა, თუ გინდათ რომ იცოდეთ სიმართლე. მაგრამ გენერალი მატისი კარგი კაცია. ჩვენ ერთმანეთს კარგად ვეწყობით. მან შესაძლოა დატოვოს თანამდებობა. ვგულისხმობ იმას, რომ რაღაც ეტაპზე, ყველა ტოვებს, ყველა. ადამიანები ტოვებენ. ეს არის ვაშინგტონი.
ჟურნალისტის მორიგ შეკითხვაზე - პირველმა ლედიმ, მელანიამ თქვა, რომ ჯერ კიდევ არიან ადამიანები თეთრ სახლში, რომელთაც ის არ ენდობა და თქვენც არ უნდა ენდოთ მათ - ტრამპმა განაცხადა: „მეც იგივე განცდა მაქვს. მე არ ვენდობი ყველას თეთრ სახლში, მე შენთან პირდაპირი ვიქნები... მე არ ვარ ბავშვი. ეს მკაცრი საქმეა. ეს სასტიკი ადგილია. ვაშინგტონ დი-სი სასტიკი ადგილია, სასტიკი ადგილი. თავდასხმები, ცუდი ენები, შენს ზურგსუკან ლაპარაკი. მაგრამ ჩემ გზაზე ძალიან კომფორტულად ვგრძნობ თავს აქ“.
„ახლა მე თავს ძლიერ ვრგძნობ პრეზიდენტად... ჩემი მეგობრებიც კი არ მეძახიან დონალდს - ისინი მეძახიან ბატონო პრეზიდენტო. და მე ვამბობ, „გეთაყვა. შეგიძლიათ მოდუნდეთ?“
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.