საქართველოს შეიარაღებული ძალების სახმელეთო ჯარების დასავლეთ სარდლობის ორგანიზებით, ორფოლოს პოლიგონზე გეგმიური საარტილერიო სწავლება ჩატარდა. სწავლებაში დასავლეთ სარდლობის მე-6 საარტილერიო ბრიგადის 61-ე და 62-ე საარტილერიო ბატალიონების პირადი შემადგენლობა მონაწილეობდა. სწავლებაში ჩართული სამხედრო მოსამსახურეები საარტილერიო სროლებს 2S3 და RM70 საარტილერიო დანადგარებიდან ახორცილებდნენ.
სასწავლო საბრძოლო სროლებში III ქვეითი ბრიგადის საარტილერიო ბატალიონს დაქვემდებარებული ქვედანაყოფები იყვნენ ჩართულები. გეგმიურ და არაგეგმიურ მიზნებზე ორიენტირებული სროლები გათვლის, ოცეულისა და ბატარეის დონეზე განხორციელდა. სწავლების განმავლობაში სამხედრო მოსამსახურეებმა ცეცხლის მოთხოვნაზე დროული რეაგირების, მიზანზე ზუსტი ცეცხლის წარმოების სავარჯიშოები შეასრულეს და ამ ოპერაციების ჩასატარებლად საჭირო ხერხებს დაეუფლნენ. სასწავლო საბრძოლო სროლები 120 მმ-იანი ნაღმმტყორცნებიდან და 152 მმ თვითმავალი ჰაუბიცა "დანა"-დან განხორციელდა.
საარტილერიო სწავლებებს ქვედანაყოფების მეთაურები ხელმძღვანელობდნენ. წვრთნების მიმდინარეობის პროცესს დასავლეთ-სარდლობის შტაბის წარმომადგენლები რეგულარულად ეცნობოდნენ.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.