I ქვეითი ბრიგადის სადაზვერვო ასეულმა ამოცანაზე ორიენტირებული სწავლება დაასრულა. ერთი კვირის მანძილზე, სიმულაციური სცენარის მიხედვით, სამხედროები პირობითად მტრის ზურგში მოქმედებდნენ და ბოლოს ფრონტის ხაზის გადაკვეთით საკუთარ ძალებს შეუერთდნენ. სწავლების დროს მათ სხვადასხვა ტაქტიკური ამოცანა შეასრულეს, მათ შორისაა რეიდი, ჩასაფრება, კონტაქტზე და არაპირდაპირ ცეცხლზე რეაგირება, არაპირდაპირი ცეცხლის გამოძახება, ტაქტიკური გადაადგილება ღამით, სამალავის დაკავება და მოქმედება სამალავში.
საველე წვრთნის მიზანს ტაქტიკური ამოცანების დროს ხარვეზების აღმოჩენა და გამოსწორება წარმოადგენდა. სამხედრო მოსამსახურეთა მოქმედებები I ქვეითი ბრიგადის შტაბის დამკვირვებლებმა შეაფასეს.
I ქვეითი ბრიგადის სადაზვერვო ასეულმა რთულ ლანდშაფტზე, რთულ მეტეოროლოგიურ პირობებში ჯამში დაახლოებით 70-კილომეტრიანი მარშრუტი დაფარა და რამდენიმე ათეული ტაქტიკური ამოცანა შეასრულა.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.