შეერთებული შტატების პრეზიდენტმა, დონალდ ტრამპმა აშშ-ის მედიაზე ახალი თავდასხმა წამოიწყო, განაცხადა რა, რომ მან „მძლავრად დაგმო სიძულვილი, ფანატიზმი და დისკრიმინაცია“, მაგრამ ამის გაშუქება არ მომხდარა.

ფლორიდაში, მომავალი კვრის შუალედური არჩევნების წინ გამართულ წინასაარჩევნო დემონსტრაციაზე მან თქვა, რომ ამერიკელების მესამედს სჯერა, რომ მედია „ადამიანების მტერია“. პრეზიდენტს ამის დამადასტურებელი სამხილი არ წარმოუდგენია.

კრიტიკოსები დონალდ ტრამპს მისი ოპონენეტების - მედიის, იმიგრანტების და მუსლიმების წინააღმდეგ უკიდურესი და გათიშულობის გამომწვევი რიტორიკის გამოყენებით, ძალადობის წაქეზებაში სდებენ ბრალს.

რამდენიმე დღის წინ, ტრამპი პენსილვანიის ქალაქ პიტსბურგში ჩავიდა და სამძიმარი გამოხატა იქ მომხადრი თავდასხმის შედეგად 11 ებრაელი მლოცველის დაღუპვის გამო.

თეთრმა სახლმა პიტსბურგის „სიცოცხლის ხის“ სინაგოგაზე თავდასხმის თაობაზე განცხადება გააკეთა და უარყო ნებისმიერი ბრალდება, რომ შეიარაღებული მამაკაცი, ვინც 11 ებრაელი მლოცველი მოკლა, ტრამპის მხარდამჭერი იყო.

ამის მიუხედავად, ფაქტი ისაა, რომ გასულ კვირას ბომბის არსებობის მაუწყებელი წერილების გაგზავნის თაობაზე მიმდინარე გამოძიების ფარგლებში დაკავებულ მამაკაცს მისი მინივანის ფანჯრები პრეზიდენტ ტრამპის ფოტოებით ჰქონდა დაფარული.

რა თქვა ტრამპმა?

ესტეროში მხარდამჭერებისადმი მიმართვისას, ტრამპმა მათ უთხრა, რო მედიას „არ სურს, რომ თქვენ გაიგოთ თქვენი ამბები“.

„ჩვენ მძლავრად დავგმეთ სიძულვილი, ფანატიზმი, რასიზმი და ცრურწმენა ყველა მისი მახინჯი ფორმებით“, განაცხადა მან და განაგრძო:

„მაგრამ მედიას არ სურს, რომ თქვენ გაიგოთ თქვენი ამბავი, ეს არ არის ჩემი ამბავი, ეს თქვენი ამბავია“.

„და ამის გამოა, რომ 33 პროცენტს ადამიანებისა ამ ქვეყანაში სწამს, რომ ყალბი ახალი ამბები ფაქტობრივად, და მე მძულს ამის თქმა, ფაქტობრივად, ადამიანების მტერია“.