ამერიკის შეერთებული შტატების პრეზიდენტმა, დონალდ ტრამპმა შუალედური არჩევნების გამართვის წინა დღეს საბოლოოდ მოუწოდა ამომრჩევლებს, მხარი დაუჭირონ „რესპუბლიკურ პარტიას“.
„ყველაფერი, რასაც ჩვენ მივაღწიეთ, ხვალ რისკის წინაშე იქნება დამდგარი“, განაცხადა ტრამპმა წინასაარჩევნო დემონსტრაციაზე.
სამშაბათს გასამართ კონგრესის არჩევნებზე წარმომადგენლობით პალატაში 435 კონგრესმენი უნდა აირჩიონ, ხოლო სენატში, 100 სენატორიდან 35 სენატორი და აღნიშნულ არჩევნებს ტრამპის პრეზიდენტობის რეფერენდუმად მიიჩნევენ.
ყოფილმა პრეზიდენტმა, ბარაქ ობამამ, რომელიც „დემოკრატიული პარტიის“ საარჩევნო კამპანიას უმაგრებს ზურგს, ორშაბათს განაცხადა, რომ „ჩვენი ქვეყნის ხასიათი არჩევნებშია“.
„თვითერზე“ კი მან დაწერა, რომ ეს არჩევნები „ჩვენი ცხოვრების განმავლობაში შესაძლოა ყველაზე მნიშვნელოვანი იყოს“.
აღნიშნული შუალედური არჩევნები გადაწყვეტს, რომელი პარტია გააკონტოლებს კონგრესის ორივე პალატას.
თუკი კონგრესის ორივე პალატაზე „დემოკრატებმა“ აიღეს კონტროლი, მოსალოდნელია, რომ მათ ტრამპი და მისი ადმინისტრაცია გამოუვალ მდგომარეობაში ჩააყენონ და ტრამპის გეგმები და დღის წესრიგი კარდინალურად შეცვალონ.
სოციოლოგიური გამოკითხვების მიხედვით, „დემოკრატებმა“ შესაძლოა წარმომადგენლობით პალატაში უმრავლესობის შესაქმნელად საჭირო დამატებითი 23 ადგილი მოიპოვონ, თუმცა წინასწარი გამოკითხვებით, სენატში მათ შესაძლოა 2 ხმა დააკლდეთ კონტროლის მოსაპოვებლად.
სენატორების და კონგრესმენების გარდა, ამერიკელები 50 შტატიდან 36-ში გუბერნატორებსაც ირჩევენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.