საფრანგეთის პრეზიდენტზე, ემანუელ მაკრონზე თავდასხმის განხორციელების გეგმის შესახებ მიმდინარე წინასწარი გამოძიების ფარგლებში 6 ეჭვმიტანილი დააკავეს, იტყობინება „როიტერსი“ გამოძიებასთან დაახლოებულ ოფიციალურ პირზე დაყრდნობით.
წყარომ განაცხადა, რომ ფრანგულმა უსაფრთხოების ძალებმა 6 პირი სამშაბათს დააკავეს და ისინი ეჭვმიტანილი არიან პრეზიდენტ მაკრონის წინააღმდეგ „გაურკვეველი და არაზუსტად ჩამოყალიბებული“ გეგმის „ძალადობრივი ქმედების გზით“ განხორციელების მცდელობაში.
ფრანგული სატელევიზიო არხის „BFM TV“-ის ცნობით, დაკავებულები ულტრა-მემარჯვენე ძალების წევრები არიან, მაგრამ დამოუკიდებლად ეს არ დასტურდება.
დაკავებები საფრანგეთის სამ სხვადასხვა ადგილას მოხდა.
კვირას გამოქვეყნებულ ინტერვიუში მაკრონმა ევროპის გასწვრივ ულტრა-მემარჯვენე მოძრაობებისაგან მომდინარე საფრთხის შესახებ გააკეთა გამაფრთხილებელი განცხადება და თქვა, რომ 1930-იანი წლების განმავლობაში არსებული თვითკმაყოფილება იყო ის, რამაც გამოიწვია ჰიტლერის აღზევება გერმანიაში და მუსოლინის იტალიაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.