ეროვნული თავდაცვის უმაღლესი კურსი კაჭრეთში, სასტუმრო „ამბასადორში“ ოფიციალურად გაიხსნა. კურსის მონაწილეებს თავდაცვის ინსტიტუციური აღმშენებლობის (DIB) სკოლის დირექტორი თეა ნიკოლაშვილი მიესალმა და კურსის მნიშვნელობაზე ესაუბრა. პირველი დღე საერთაშორისო უსაფრთხოების სისტემაზე, თანამედროვე გამოწვევებსა და კიბერსაფრთხეების შესახებ დისკუსიას დაეთმო.
კიბერსაფრთხეების გამოწვევებზე ესტონეთის თავდაცვის სამინისტროს კიბერპოლიტიკისა და საინფორმაციო ტექნოლოგიების დეპარტამენტის დირექტორის მოადგილემ ტანელ სეპპმა ისაუბრა. მან ყურადღება სამართლებრივ ბაზაზე, საინფორმაციო ტექნოლოგიებსა და ინოვაციური მეთოდების გამოყენებაზე გაამახვილა. ასევე, განსაკუთრებით აღინიშნა კრიზისის დროს ელექტრონული მართვის სისტემის შენარჩუნების აუცილებლობა. ტანელ სეპპმა განაცხადა, რომ გამოცდილების გაზიარებითა და ქვეყნებს შორის თანამშრომლობით კიბერსივრცე უფრო დაცული ხდება.
საერთაშორისო უსაფრთხოების სისტემებზე, ეკონომიკურ უსაფრთხოებასა და თანამედროვე ტენდენციების შესახებ მოხსენებები წაიკითხეს ილიას სახელმწიფო უნივერსიტეტის პროფესორმა დავით აფრასიძემ, ეკონომიკის საკითხებში ექსპერტმა კონსტანტინე სულამანიძემ და ეკონომიკისა და მდგრადი განვითარების სამინისტროს ენერგეტიკული რეფორმებისა და პროექტების დეპარტამენტის უფროსმა ზაზა ჩიხრაძემ. კურსის მსმენელებმა სიმულაციური კრიზისის სცენარზეც იმუშავეს.
სემინარს საქართველოს თავდაცვის სამინისტროსა და სხვა სახელმწიფო უწყებების ხელმძღვანელ თანამდებობებზე მომუშავე პირები, არასამთავრობო სექტორისა და მედიის წარმომადგენლები დაესწრნენ. ეროვნული თავდაცვის უმაღლესი კურსის მიზანი რეგიონულ და საერთაშორისო კონტექსტში საქართველოს უსაფრთხოების სისტემის მიმოხილვაა. კურსი საქართველოს თავდაცვის სამინისტროს სსიპ თავდაცვის ინსტიტუციური აღმშენებლობის (DIB) სკოლის ორგანიზებითა და ნატოს პროფესიული განვითარების პროგრამის (PDP) მხარდაჭერით ტარდება.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.