საქართველოს თავდაცვის ინსტიტუციური აღმშენებლობის სკოლისა (DIB) და ნიდერლანდების სამეფოს კლინგენდაელის საერთაშორისო ურთიერთობების ინსტიტუტის ორგანიზებით, ტრენინგი - „პოლიტიკის სტრატეგიული ანალიზი და რეპორტინგი“ დაიწყო.
ტრენინგს უძღვებიან კლინგენდაელის საერთაშორისო ურთიერთობების ინსტიტუტის წარმომადგენლები, რომლებიც, ქართველ ექსპერტებთან ერთად, მსმენელებს სამი დღის განმავლობაში პოლიტიკის სტრატეგიული ანალიზის კუთხით გამოწვევების იდენტიფიცირების, მიმდინარე პრაქტიკისა და პერსპექტივის შესახებ გამოცდილებას გაუზიარებენ.
ტრენინგს საქართველოს თავდაცვის უწყებისა და უსაფრთხოების სექტორის ის წარმომადგენლები ესწრებიან, რომლებიც ჩართულნი არიან პოლიტიკის დაგეგმვისა და ანალიზის, ასევე სტრატეგიული და ანალიტიკური დოკუმენტების შემუშავების პროცესში.
კურსი საქართველოში საერთაშორისო და ადგილობრივი ტრენერების ჩართულობით უკვე მეორედ ტარდება; მომავალში კი, სასწავლო პროცესის ადგილობრივი რესურსებით წარმართვა იგეგმება.
კლინგენდაელის საერთაშორისო ურთიერთობების ინსტიტუტი და თავდაცვის ინსტიტუციური აღმშენებლობის სკოლა (DIB) ინტენსიურად თანამშრომლობენ. ინსტიტუტის ექსპერტები DIB სკოლას რეგულარულად სტუმრობენ და ქართულ მხარეს გამოცდილებას უზიარებენ.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.