„კონსერვატორი“ დეპუტატები კენჭს უყრიან დარჩება თუ არა ტერეზა მეი თავიანთ ლიდერად. კენჭისყრის შედეგი გრინვიჩის დროით 20:00 საათის შემდეგ უნდა გახდეს ცნობილი.
დიდი ბრიტანეთის პრემიერ მინისტრმა ბოლოჯერ მიმართა თემთა პლატის რიგით დეპუტატებს მათთან ემოციური შეხვედრისას და მოუწოდა მხარი დაუჭირონ მას. მეიმ მათ უთხრა, რომ იგი არ უხელმძღვანელებს პარტიას 2022 წლისთვის დაგეგმილ არჩევნებზე, მაგრამ სურს, რომ დარჩეს თანამდებობაზე, რათა ბოლომდე მიიყვანოს „ბრექსიტის“ შეთანხმება, განაცხადეს დეპუტატებმა.
ტერეზა მეისთვის უნდობლობის გამოცხადების საკითხი დღის წესრიგში მას შემდეგ დადგა, რაც „ტორების“48 დეპუტატმა ხელი მოაწერა წერილს, რომლითაც მათ თავიანთი პარტიის ლიდერისადმი უნდობლობა გამოხატეს.
„კონსერვატორების“ დეპუტატთა უმრავლესობამ საჯაროდ განაცხადა, რომ ისინი მხარს დაუჭერენ პრემიერ მინისტრს, მაგრამ კენჭისყრა ფარულია და აქედან გამომდინარე უესტმინისტერის სასახლის ნომერ 14 დარბაზში კენჭისყრის წინ პარტიის მენეჯერები ნერვიულობენ.
მოელიან, რომ შედეგი მალევე გახდება ცნობილი მას შემდეგ, რაც კენჭისყრა გრინვიჩის დროით 20:00 საათზე დასრულდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.