ბრიუსელში მყოფმა დიდი ბრიტანეთის პრემიერ მინისტრმა ტერეზა მეიმ BBC-ის უთხრა, რომ მას „საკმაოდ მკაცრი საუბარი ჰქონდა [ევროკავშირის კომისიის პრეზიდენტ] ჟან-კლოდ იუნკერთან“.

მან თქვა, რომ ორივეს, როგორც ევროკავშირის, ისე დიდი ბრიტანეთის ინტერესია „ბრექსიტის“ შეთანხმებაში ცვლილებები შევიდეს, რადგან „უწესრიგო ბრექსიტი“ არავისთვის არ არის კარგი.

ტერეზა მეის იმ გავრცელებული ვიდეოს შესახებ დაუსვეს შეკითხვა, სადაც ჩანს, რომ იგი იუნკერს მკაცრად ელაპარაკება. აღნიშნულ ვიდეოში საუბარი ისე ჩუმად ისმის, რომ მისი გაგება არ არის შესაძლებელი. BBC-ის ჟურნალისტმა მეის ჰკითხა, დასდო თუ არა ბრალი იუნკერს იმის გამო, რომ მან მას „ბუნდოვანი“ უწოდა.

მეის თქმით, ჟან-კლოდ იუნკერმა მას უთხრა, რომ „როდესაც ეს ფრაზა იხმარა, იგი დებატების საერთო დონეზე საუბრობდა“.

ტერეზა მეიმ აღნიშნა, რომ ევროკავშირი მზადყოფნას გამოხატავს მომავალი მოლაპარაკებების მოსამზადებლად და მომავალი პარტნიორობის შესახებ მოლაპარაკებები შესაძლებელი იქნება დაიწყოს რაც შეიძლება მალე.

მან აღნიშნა, რომ „ბრექსიტის“ შეთანხმებაში ჩრდილოეთ ირლანდიიის საზღვრის საკითხთან დაკავშირებით შემდგომი სიცხადის და ახსნა-განმარტებების შეტანა ფაქტობრივად შესაძელებელი იქნება.

„ჯერ კიდევ გასაწევია სამუშაოები. ჩვენ უახლოეს დღეებში გავმართავთ მოლაპარკებებს თუ როგორ უნდა მივიღოთ შემდგომი გარანტიები, რომელიც დიდი ბრიტანეთის პარლამენტს ესაჭიროება იმისათვის, რომ მხარი დაუჭიროს „ბრექსიტის“ შეთანხმებას. კიდევ ერთხელ ვიმეორებ, რომ უსაზღვროდ დიდი ინტერესის საგანია ევროკავშირში და დიდ ბრიტანეთში მცხოვრები ადამიანებისთვის, რომ რაც შეიძლება მალე გაკეთდეს ეს“. განაცხადა ტერეზა მეიმ.