წყალტუბოში საახალწლო სამზადისი დაიწყო. საახალწლო ქალაქი წყალტუბოელებს და ქალაქის სტუმრებს 22 დეკემბრიდან 9 იანვრის ჩათვლით სხვადასხვა კულტურულ-გასართობ ღონისძიებებს სთავაზობს.

საახალწლო განათებებით მოირთვება ქალაქის შემოსასვლელი, ცენტრალური პარკი და საკონცერტო დარბაზ „ივერიის’’ მიმდებარე ტერიტორია.

ქალაქის მთავარი ნაძვის ხის ანთების ცერემონია დაგეგმილია 22 დეკემბერს 18:00 საათზე, გაიმართება კონცერტი ფოლკლორული და საესტრადო ანსამბლების მონაწილეობით.

28 დეკემბერს საკონცერტო დარბაზ „ივერიაში’’ ფოლკლორული ანსამბლ „ნადურისა’’ და ფინეთიდან მოწვეული მომღერლის, ლუიზა ომაროვას ერთობლივი ფოლკლორული კონცერტი ჩატარდება.

1 იანვარს 13:00 საათზე „ივერიაში’’ ა(ა)ი.პ „ბავშვთა და ახალგაზრდობის ცენტრთან’’ არსებული წრეების მონაწილეობით წარმოდგენილი იქნება „საახალწლო ზღაპარი’’.

 
2 იანვარს 13:00 საათზე „ივერიაში’’ გაიმართება სტუდია „ცისარტყელას“ საესტრადო კონცერტი.

3 იანვარს 17:00 საათზე „ივერიაში’’ სტუდია „ცისარტყელა“ წარმოადგენს სპექტაკლს - „წუნა და წრუწუნა“.

9 იანვარს 18:00 საათზე „ივერიაში’’ ნიღბების თეატრი წარმოადგენს „საახალწლო ზღაპარს’’.

14 იანვარს, 17:00 საათზე ადგილობრივი ფოლკლორული ანსამბლების მონაწილეობით ჩატარდება საზეიმო კონცერტი.

საახალწლო საჩუქრები ტრადიცულად დაურიგდებათ წყალტუბოს მუნიციპალიტეტში მცხოვრებ პატარებს, საჩუქრების შესაძენად 2018 წლის წყალტუბოს მუნიციპალიტეტის ბიუჯეტიდან 12 000 ლარი არის გამოყოფილი.

ინფორმაციას წყალტუბოს მერიის პრესსამსახური ავრცელებს.