სამცხე-ჯავახეთის გუბერნატორი ბესიკ ამირანაშვილი ახალციხის მუნიციპალიტეტის კეთილმოწყობის სამსახურის თანამშრომლებს სამუშაო ადგილზე შეხვდა და სიმბოლური საჩუქრები გადასცა. გუბერნატორი, ამავე სამსახურის უფროსთან, კობა კურტანიძესთან ერთად, მეეზოვეებს მოულოდნელად ესტუმრა.
სამცხე-ჯავახეთის სამხარეო ადმინისტრაციის ცნობით, ბესიკ ამირანაშვილი სამუშაო პროცესსაც დაესწრო და მეეზოვეების მოსაზრებები მოისმინა, რომლებიც ძირითადად, არსებული ვითარების გაუმჯობესებას ეხებოდა.
გუბერნატორის თქმით, სამუშაო პროცესში ეფექტური და ნაყოფიერი ნაბიჯების გადადგმის მიზნით, მნიშვნელოვანია, პირდაპირი კომუნიკაცია მათთან, ვინც სამუშაოს შესრულებაში უშუალოდ არის ჩართული.
„დასუფთავების სამსახურის თითოეული თანამშრომლის დამსახურებაა, რომ ახალციხის ქუჩები მოვლილი და სუფთაა. ისინი მუშაობენ მაშინაც, როდესაც ქალაქში მოსახლეობის უმეტეს ნაწილს სძინავს. ჩვენ ვაფასებთ მათ მიერ შეტანილ წვლილს მუნიციპალიტეტის ყოველდღიურ ცხოვრებაში", განაცხადა ბესიკ ამირანაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.