ავიაკატასტროფის შედეგად მექსიკის ცენტრალური ნაწილის, პუებლას შტატის გუბერნატორი მართა ერიკა ალონსო და მისი ქმარი, სენატორი რაფაელ მორენო ვალე დაიღუპნენ.
მექსიკის მედიის ცნობით, ინციდენტი მცირე ზომის თვითმფრინავის ქალაქ პუებლადან აფრენიდან მალევ მოხდა.
45 წლის ალონსო პუებლას პირველი ქალი გუბერნატორი დაძაბული არჩევნების შემდეგ გახდა და პოსტზე მუშაობას რამდენიმე დღის წინ შეუდგა.
მექსიკის ახალმა პრეზიდენტმა ანდრეს მანუელ ლოპესმა „უღრმესი სამძიმარი“ გამოხატა პოლიტიკოსების ნათესავების მიმართ. მან განაცხადა, რომ დაიწყება გამოძიება „სიმართლის“ დასადგენად, თუ რამ გამოიწვია კატასტროფა.
ჯერჯერობით არ არის ცნობილი გადაურჩა თუ არა სიკვდილს მფრინავი.
ალონსო გუბერნატორის თანამდებობაზე საქმიანობას 14 დეკემბერს, მას შემდეგ შეუდგა, რაც მექსიკის ერთ-ერთ ყველაზე მჭიდროდ დასახლებულ შტატში მცირე უპირატესობით დაამარცხა პრეზიდენტ ლოპეს ობრადორის ფავორიტი კანდიდატი.
ერთ დროს ალონსოს ქმარიც მსახურობდა სახელმწიფო გუბერნატორის პოსტზე.
BBC-ის ცნობით, ბოლო წლების განმავლობაში მექსიკის მაღალი თანამდებობის პირები ავიაკატასტროფაში არაერთხელ დაღუპულან. 2011 წელს ვერტმფრენის ჩამოვარდნის შედეგად ქვეყნის შინაგან საქმეთა მინისტრი ფრანჩესკო ბლეიქ მორა დაიღუპა.
მიმდინარე წელს 13 ადამიანი დაიღუპა ავიაინციდენტისას, როცა მინისტრის ვერტმფრენი ხალხით სავსე ადგილას ჩამოვარდა, თუმცა თავად მინისტრი სიკვდილს გადაურჩა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.