გარემოს დაცვისა და სოფლის მეურნეობის მინისტრი ლევან დავითაშვილი, მცხეთა-მთიანეთის სახელმწიფო რწმუნებული შალვა კერესელიძე, სასაზღვრო პოლიციის უფროსი თემურ კეკელიძე, მისი პირველი მოადგილე კახაბერ ჩიქოვანი და დუშეთის მუნიციპალიტეტის მერი ზურაბ სეხნიაშვილი პირიქითა ხევსურეთს ესტუმრნენ, ადგილობრივ მოსახლეობას, რეინჯერებსა და მესაზღვრეებს დამდეგი ახალი წელი მიულოცეს.
სასაზღვრო პოლიციის ვერტმფრენის დახმარებით, ხელისუფლების წარმომადგენლებმა მოსახლეობას თურქეთის, აშშ-ის, საფრანგეთის, იტალიის, იაპონიის, ლიტვის, უნგრეთის და ნიდერლანდების სამეფოს მიერ გამოგზავნილი საჩუქრები ჩაუტანეს.
რამდენიმე კვირის წინ, შატილში სტუმრობისას, მხარის რწმუნებულმა შალვა კერესელიძემ პანსიონის მოსწავლეების საჭიროებებისა და სურვილების შესახებ მოისმინა. წინასაახალწლოდ კი, „ინვესტიციების და ჰუმანიტარული პროექტების გაერთიანების“, კონპანიების „ბარამბო“ და „შვიდი მითი“ მხარდაჭერით, მათ სასურველი საჩუქრები გადასცა.
მხარის რწმუნებული, ცენტრალური და ადგილობრივი ხელისუფლების წარმომადგენლებთან ერთად, არხოტშიც იმყოფებოდა. მათ ხეობის მოსახლეობას შობა-ახალი წელი სიმბოლური საჩუქრებით მიულოცეს.
ინფორმაციას მცხეთა-მთიანეთის სამხარეო ადმინისტრაცია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.