სამშვიდობო მისიებში მყოფ სამხედროებს, ახალი წელი პრეზიდენტმა, თავდაცვის მინისტრმა და თავდაცვის ძალების მეთაურმა თავდაცვის სამინისტროს მართვის ცენტრიდან მიულოცეს.
საქართველოს პრეზიდენტმა ავღანეთში და აფრიკის კონტინენტზე მყოფ ქართველ მშვიდობისმყოფელებს სიტყვით მიმართა და გაწეული სამსახურისთვის მადლობა გადაუხადა. უმაღლესმა მთავარსარდალმა სამშვიდობო მისიებში მყოფი სამხედროების საქმიანობის მნიშვნელობა და ჯარისკაცების ქვეყნის წინაშე დამსახურება ხაზგასმით აღნიშნა.
სამშვიდობო მისიებში მყოფ სამხედროებს ახალი წელი თავდაცვის მინისტრმა და თავდაცვის ძალების მეთაურმაც მიულოცეს. ლევან იზორიამ ქართველი სამხედროების ქვეყნის წინაშე დამსახურებაზე გაამახვილა ყურადღება და აღნიშნა, რომ მათი წვლილი ქვეყნის წინაშე ფასდაუდებელია. ლევან იზორიამ 2018 წელს მიღწეულ წარმატებებზე და 2019 წელს დაგეგმილ მნიშვნელოვან ღონისძიებებზე ისაუბრა, რომელიც საქართველოს ჩრდილო ატლანტიკურ ალიანსთან კიდევ უფრო დააახლოვებს.
თავდაცვის სამინისტროს სამხედრო მართვის ცენტრიდან ვიდეოკონფერენციის საშუალებით ჩართვა განხორციელდა ავღანეთის ისლამური რესპუბლიკის ოთხი ლოკაციიდან და აფრიკის კონტინენტის ორ ქვეყანაში - ცენტრალური აფრიკის რესპუბლიკასა და მალიში, სადაც ქართველი სამხედროები ევროკავშირის ეგიდით მიმდინარე მისიებში მონაწილეობენ.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.