თერჯოლის მუნიციპალიტეტის მერი ბონდო სოფრომაძე, მერის პირველი მოადგილე მანუჩარ ფანჩულიძე და ინფრასტრუქტურის სამსახურის ხელმძღვანელი ვახტანგ იამანიძე სოფ. ზედა სიმონეთში იმყოფებოდნენ, სადაც სოციალურად დაუცველი მრავალშვილიანი ოჯახის სახლის გადახურვის სამუშაოები მიმდინარეობს.
„1-2 დეკემბრის ძლიერი ქარისაგან დაზიანდა სახურავის ნაწილი, რის შემდეგაც მერიის მიერ მოხდა გადასახურავი მასალის ოპერატიულად გადაცემა და სარეაბილიტაციო სამუშაოების დაწყება. რეაბილიტაციის დროს გამოიკვეთა, რომ სახლს ესაჭიროებოდა სახურავის მთლიანი შეცვლა. ოჯახი ამას ვერ მოახერხებდა საკუთარი სახსრებით, ამიტომ სამშენებლო მასალა შევუძინეთ, ხოლო გადაუდებელი აუცილებლობიდან გამომდინარე, გამარტივებული შესყიდვის საშუალებით, სამუშაოებს აწარმოებს შპს „საგო“. სარეაბილიტაციო სამუშაოები ამ წუთებშიც მიმდინარეობს, რათა დროულად, ამინდების გაუარესებამდე, დასრულდეს სახლის გადახურვა,“ - აღნიშნა ბონდო სოფრომაძემ.
თერჯოლის მუნიციპალიტეტში 1-2 დეკემბრის ძლიერი ქარის შედეგად დაზიანდა 56 საცხოვრებელი სახლისა და 5 საბავშვო ბაღის სახურავი. მიყენებული ზარალის აღმოსაფხვრელად დაიხარჯა 90 000 ლარი.
ინფორმაციას თერჯოლის მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.