სოფელ ოფშკვითში, ეკომიგრანტების დასახლებაში მცხოვრებ მოსახლეობას წყალტუბოს მუნიციპალიტეტის მერი გრიგოლ იოსელიანი შეხვდა. „სოფლის მხარდაჭერის პროგრამის“ გაცნობის შემდეგ მერმა ადგილობრივების პრობლემები მოისმინა. გაირკვა, რომ აქ მცხოვრები 15 ოჯახი ითხოვს მინი სპორტული მოედნისა და საბავშვო ატრაქციონების მოწყობას, მათთვის მნიშვნელოვანია ასევე, შიდა გზისა და გარე განათების ქსელის მოწესრიგება.
„ის ფაქტი, რომ თვითმმართველობის პირველი პირი დღეს ადგილზე გაეცნო ჩვენს პრობლემებს, მოგვისმინა და დახმარებას დაგვპირდა, ძალიან მახარებს. იმედი მაქვს ბევრი რამ ჩვენს დასახლებაში სასიკეთოდ შეიცვლება“, განაცხადა ოფშკვითის მკვიდრმა ირმა ფუტკარაძემ.
წყალტუბოს მუნიციპალიტეტის მერი სოფლების მოსახლეობასთან შეხვედრებს პრიორიტეტების გამოვლენისა და განსახორციელებელი პროექტების შერჩევის მიზნით განაგრძობს.
ინფორმაციას წყალტუბოს მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.