საქართველოს სახელმწიფო დროშის დღე წყალტუბოში განსაკუთრებულად აღინიშნა. ეროვნულ დღესასწაულში ადგილობრივი თვითმმართველობის პირველი პირები, წარმომადგენლები, ა(ა)იპ-ები, ჩოხოსნები, მოსწავლე-ახალგაზრდობა და რიგითი წყალტუბოელები მონაწილეობდნენ.
მსვლელობა მუნიციპალიტეტის მერიიდან დაიწყო და საკონცერტო დარბაზ „ივერიასთან“ დასრულდა, სადაც მოეწყო თემატური გამოფენა.
სახელმწიფო დროშის დღესთან დაკავშირებით, საზეიმო კონცერტი გაიმართა. ფოლკლორული ანსამბლის „ნადურის“ მიერ შესრულებული ეროვნული ჰიმნის შემდეგ წყალტუბოელებსა და სრულიად საქართველოს სახელმწიფო დროშის დღე მუნიციპალიტეტის მერმა გრიგოლ იოსელიანმა მიულოცა.
„დღეს ჩვენი ქვეყნის ისტორიაში უმნიშვნელოვანესი თარიღი - საქართველოს სახელმწიფო დროშის დღე აღინიშნება - დროშის, რომელიც სიმბოლოა ქართველთა გაუტეხელი სულისა, თავისუფლებისა და დამოუკიდებლობისა, რომლის დასაცავად საუკუნეების განმავლობაში თავს სწირავდნენ ჩვენი სახელოვანი წინაპრები, რომელსაც სიცოცხლე უყოყმანოდ შესწირეს ჩვენი დროების გმირებმა: გიორგი ანწუხელიძემ და არჩილ ტატუნაშვილმა. საქართველოს დროშაზე ხუთი წითელი ფერის ჯვარია გამოსახული, რომელიც იესო ქრისტესა და ოთხი მახარობლის სიმბოლოს წარმოადგენს. მჯერა, რომ უფლის მფარველობით ჩვენი ქვეყანა სწორედ ამ დროშით გაერთიანდება. კიდევ ერთხელ გილოცავთ, გისურვებთ ბედნიერებას, ღმერთი ჰფარავდეს საქართველოს“, უთხრა გრიგოლ იოსელიანმა შეკრებილებს.
სახელმწიფო დროშის დღე წყალტუბოს მუნიციპალიტეტის მერიის ორგანიზებით აღინიშნა.
ინფორმაციას წყალტუბოს მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.