დუშეთის მუნიციპალიტეტში, კობი-გუდაურის მონაკვეთზე შექმნილი ზვავსაშიშროების გამო, მოძრაობა უკვე რამდენიმე დღეა აკრძალულია. დაბა ჟინვალის მიმდებარე ტერიტორიაზე ათეულობით მანქანაა გაჩერებული.
დღეს, ადილზე იმყოფებოდნენ პრემიერ-მინისტრის მრჩეველი რეგიონულ საკითხებში სოზარ სუბარი, მცხეთა-მთიანეთის სახელმწიფო რწმუნებული შალვა კერესელიძე, დუშეთის მუნიციპალიტეტის მერი ზურაბ სეხნიაშვილი ადგილობრივი თვითმმართველობის სხვა წარმომადგენლებთან ერთად. მათ გაჩერებული ავტომანქანების მგზავრები მოინახულეს და მიიღეს გადაწყვეტილება 50 კაცზე გათვლილი კარვის განთავსების შესახებ, სადაც მგზავრები მოახერხებენ გათბობას და ცხელი საკვების მიღებას.
გუშინ, დუშეთის მუნიციპალიტეტის მერიის ორგანიზებით, უამინდობის გამო გზაში დარჩენილ მგზავრებს საკვები პროდუქტი დაურიგდა. ასევე, არასრულწლოვანი ბავშვები მშობლებთან ერთად განთავსებულნი არიან საოჯახო ტიპის სასტუმროში.
მობილიზებულია საპატრულო პოლიცია და სამაშველო სამსახური.
მიმდინარეობს მუშაობა, რათა საავტომობილო გზების დეპარტამენტმა დროულად დაიწყოს გაწმენდითი სამუშაოები და მგზავრებმა შეძლონ გადაადგილება.
ინფორმაციას დუშეთის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.