საქართველოს სპეციალური ოპერაციების ძალების ბაზაზე ღია კარის დღე პირველად გაიმართა. სპეციალური ოპერაციების ძალების მეთაურმა, ვიცე-პოლკოვნიკმა თეიმურაზ ყლატეიშვილმა და პირადმა შემადგენლობამ სამხედრო ბაზაზე ოჯახის წევრებს უმასპინძლეს.
მოწვეული სტუმრებისთვის სპეციალური ოპერაციების ძალების წარმომადგენლებმა საჩვენებელი წვრთნა რამდენიმე უბანზე ჩაატარეს. მათ სწრაფი დაშვების კედელზე სხვადასხვა სახის მანევრი განახორციელეს და ოპერაციების რაიონში მოწინააღმდეგის განეიტრალება წარმატებით მოახდინეს.
ღონისძიების ფარგლებში მებრძოლთა შვილებმა სპეციალურად გამოფენილი ტექნიკა, აღჭურვილობა და შეიარაღება დაათვალიერეს. სტუმრები სამხედრო მოსამსახურეების საცხოვრებელ პირობებსაც გაეცნენ.
მებრძოლების ოჯახის წევრებმა დაღუპული გმირების ხსოვნას პატივი მიაგეს და მემორიალი ყვავილებით შეამკეს. ღონისძიების დასასრულს კი, სამხედრო მოსამსახურეები, მათი მეუღლეები და შვილები მამა დავით ბოტიკაშვილმა დალოცა.
ინფორმაციას თავდაცვის სამინისტროს ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.