ადიგენის მუნიციპალიტეტში სოფლის კრებები ტარდება. „სოფლის მხარდაჭერის პროგრამის“ ფარგლებში დასაფინანსებელი პროექტების შერჩევა ადგილობრივ მოსახლეობასთან კონსულტაციებითა და სოფლის კრებებზე მიღებული გადაწყვეტილებებით ხდება.

ადიგენის მერიის ცნობით, ამჯერად სოფლის კრება არალში, წარბასთუმანში, უდესა და ზაზალოში ჩატარდა. მოსახლეობის მიერ წარმოდგენილი წინადადებიდან, კენჭისყრის შედეგად ხმათა უმრავლესობით შერჩეულ იქნა პრიორიტეტული წინადადებები, რომელიც გულისხმობს:

სოფელ არალში სკოლამდელი აღზრდის დაწესებულებეაში აუცილებელი სამუშაოების შესრულებას.

 სოფელ წარბასთუმანში სასმელი წყლის რეაბილიტაციასა და რიტუალების სახლში საკანალიზაციო სისტემის მოწყობას.

 სოფელ უდეში სასოფლო-სამეურნეო სავარგულებამდე გრუნტის გზის მოწყობას.

 სოფელ ზაზალომდე მისასვლელი გზის რეაბილიტაციას, მოხრეშვასა და გრუნტის გზის მოწყობას.

სოფლების მიერ შერჩეული პროექტები დასამტკიცებლად ადიგენის მუნიციპალიტეტის საკრებულოს წარედგინება.

სოფლის მხარდაჭერის პროგრამით, მუნიციპალიტეტებში მცირე ინფრასტრუქტურული პროექტები დაფინანსდება.

სოფლის მხარდაჭერის პროგრამის ფარგლებში დასაფინანსებელი პროექტების კატეგორიებია:

• სასმელი წყლის სისტემები; • სარწყავი სისტემები; • სანიაღვრე არხები; • ნაპირსამაგრი სამუშაოები; • გზები; • ხიდები, ცხაურები, ხიდბოგირები, გადასასვლელები; • გარე განათება; • სკოლების მიმდებარე ტერიტორიების კეთილმოწყობა; • სკოლამდელი დაწესებულებები და შესაბამისი ინვენტარი; • ამბულატორიული შენობები; • კულტურის ოებიექტები; • სპორტული ინფრასტრუქტურა, მოედნები და მოედნების ინვენტარი; • სკვერები და სველი წერტილები შესაბამისი ინვენტარით; • წისქვილების რეაბილიტაცია და შესაბამისი ინვენტარი; • სასაფლაოს შემოღობვა; • თავშეყრის ადგილები, მოსაცდელები; • მინიჰესები და შესაბამისი რეაბილიტაცია/აღდგენა.

სოფლის მხარდაჭერის პროგრამის მიმდინარეობის და შესრულების საერთო კოორდინაციას და მონიტორინგს რეგიონული განვითარებისა და ინფრასტრუქტურის სამინისტრო განახორციელებს. საერთო კრებები აღმასრულებელი და საკანონმდებლო ხელისუფლების, მუნიციპალიტეტების წარმომადგენელთა, ასევე არასამთავრობო ორგანიზაციების ჩართულობით იმართება.