საქართველოში აკრედიტებული უცხო ქვეყნების თავდაცვის ატაშეები საქართველოს თავდაცვის ძალების აღმოსავლეთ სარდლობის მასშტაბით ვიზიტებს განაგრძობენ.
სამხედრო ატაშეების ასოციაციის წარმომადგენლები დღეს თბილისში, საბრძოლო საინჟინრო ბატალიონსა და ვაზიანში მდებარე V საარტილერიო ბრიგადაში იმყოფებოდნენ. უცხოელმა დიპლომატებმა სპეციალურად გამართულ გაცნობით ბრიფინგზე ხელმძღვანელობისგან ქვედანაყოფების ისტორიის, ამოცანის, სტრუქტურის, განხორციელებული და უახლოეს მომავალში დაგეგმილი ღონისძიებების შესახებ ინფორმაცია მიიღეს.
მოგვიანებით სტუმრები საბრძოლო საინჟინრო ბატალიონისა და V საარტილერიო ბრიგადის შესაძლებლობებს, ინფრასტრუქტურას გაეცნენ და ბაზებზე არსებული შეიარაღება და ტექნიკა დაათვალიერეს.
სამხედრო ატაშეების ასოციაცია საქართველოში აკრედიტებულ და არარეზიდენტ 35 დიპლომატს აერთიანებს, რომლებიც თავდაცვის უწყებასთან მჭიდროდ თანამშრომლობენ.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.