წყალტუბოს მუნიციპალიტეტის მერის მოადგილე ალექსანდრე დადუნაშვილი წითელას მასობრივი გავრცელების პრევენციის მიზნით გასატარებელი ღონისძიებების სამუშაო ჯგუფის წარმომადგენლებთან ერთად სკოლამდელი აღზრდის დაწესებულებებისა და საჯარო სკოლების ხელმძღვანელებს შეხვდა და ვაქცინაციის პროცესის სწორად წარმართვის საკითხები განიხილა.
„ქვეყანაში არსებობს წითელას ეპიდაფეთქების საფრთხე, იანვრის თვეში დაფიქსირებულია 312 შემთხვევა, მათ შოროს 23 - წყალტუბოს მუნიციპალიტეტში, სამწუხაროდ წითელა სერიოზულ გართულებებს იწვევს და შეიძლება მოჰყვეს ფატალური შედეგი, ამიტომ აუცილებელია მოსახლეობის დროულად, სრულყოფილად და კვალიფიციურად ინფორმირებულობა, უსაფრთხო და უფასო ვაქცინააცის პროცესის კოორდინირებულად წარმართვა“, განაცხადა ბატონმა ალექსანდრე დადუნაშვილმა.
შეხვედრას საზოგადოებრივი ჯანდაცვის ცენტრის მმართველი მანანა ტყეშელაშვილი და საგანმანათლებლო რესურსცენტრის მთავარი სპეციალისტი ნანა გიორგაძე ესწრებოდნენ, რომელებმაც თავიანთ გამოსვლებში ისაუბრეს ერთობლივი მუშაობის აუცილებლობაზე, აცრების დროულად ჩატარების მნიშვნელობასა და ვაქცინაციაზე, ასევე აცრაზე უარის თქმის შემთხვევაში მოსწავლის სტატუსის შეჩერების საკითხის განხილვაზე.
აღინიშნა, რომ სკოლების დირექტორებმა საბავშვო ბაღების გაერთიანების ხელმძღვანელმა პირებმა უნდა უზრუნველყონ არასრულად აცრილი ან აუცრელი კონტინგენტის გამოვლენა და შესაბამისი ინფორმაციის მიწოდება რესუსცენტრსა და საზოგადოებრივი ჯანდაცვის ცენტრისთვის, რათა მოხდეს ასაცრელი კონტინგენტის დაზუსტება, განსაზღვროს მუნიციპალიტეტში ჩასატარებელი არაგეგმიური იმუნიზაციის საჭიროებები.
წითელას საწინააღმდეგო აცრები უფასოდ კეთდება წყალტუბოს რაიონულ ჰოსპიტალსა და სოფლების ამბულატორიებში.
ინფორმაციას წყალტუბოს მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.