ლოტოს 574-ე გათამაშების გამარჯვებული მსახიობი ნუგზარ ჩიქოვანი გახდა. ნუგზარ ჩიქოვანმა ჯეკ-პოტი 1 671,045 ლარი მოიგო. მსახიობის თქმით, მოგების სიხარული და პირველი ემოცია იმდენად დიდი იყო, რომ ის სიჩუმით გამოხატა.
"იმდენად დიდი იყო ემოცია, რომ საერთოდ არ მქონდა ემოცია. ჩუმად ვიჯექი. უბრალოდ, რამდენჯერმე ციფრები გადავამოწმე",- განაცხადა მსახიობმა.
მისივე თქმით, ჯერ, კონკრეტულად არ აქვს დაგეგმილი, როგორ დახარჯავს მოგებულ თანხას.
"დღევანდელ საქართველოში ყველას ჰყავს მეგობარი, ნათესავი, არც თუ ისე დალხინებული და ალბათ, მე თუ ვერ ვხვდები, ისინი უნდა ხვდებოდნენ, რა უნდა გავაკეთო. ჩემს პრობლემებს მივხედავ. ყველას აქვს პრობლემები. მსახიობები, როგორც წესი, განებივრებულები არ არიან ფინანსური თვალსაზრისით, საქართველოში", - აღნიშნა ჩიქოვანმა.
ნუგზარ ჩიქოვანი სოხუმის თეატრის მსახიობია, ასევე გადაღებულია ფილმებში, ფართო საზოგადოებამ კი, "ღამის შოუს" პროექტებიდან გაიცნო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.