„მიღებულია გადაწყვეტილება უახლოეს მომავალში სოფელ ლაილაშში თანამედროვე სტანდარტების შესაბამისი საჯარო სკოლის მშენებლობის შესახებ“, უთხრა 29 იანვარს ცაგერის მუნიციპალიტეტის სოფელ ლაილაშში გამართულ კრებაზე ადგილობრივ მოსახლეობას რაჭა-ლეჩხუმისა და ქვემო სვანეთის გუბერნატორმა, არჩილ ჯაფარიძემ.
ინფორმაციას აღნიშნულის შესახებ რაჭა-ლეჩხუმისა და ქვემო სვანეთის გუბერნატორის პრესსამსახური ავრცელებს.
„მოსახლეობასთან პირდაპირი დიალოგი ძალზედ მნიშვნელოვანია რეგიონის სამომავლო გეგმებისა და პრიორიტეტების განსაზღვრისათვის. პროგრამის ფარგლებში გამართულ შეხვედრებზე ადგილზე ვეცნობით თითოეულ სოფელში არსებულ პრობლემას, რაც საშუალებას გვაძლევს ჩვენი მუშაობის ეფექტურობა კიდევ უფრო ავამაღლოთ და პროექტები მოსახლეობის საჭიროებების გათვალისწიენებით დავგეგმოთ“, განაცხადა არჩილ ჯაფარიძემ შეხვედრისას და დაამატა:
„ადგილობრივ ხელისუფლებასთან ერთად მიღებულია გადაწყვეტილება უახლოეს მომავალში თანამედროვე სტანდარტების შესაბამისი საჯარო სკოლის მშენებლობის შესახებ. ლაილაში ისტორიული სოფელია, რომლის მიმართაც დაინტერესება მზარდია და მსგავსი პროექტები მოსახლეობის ადგილზე დარჩენისათვის მნიშვნელოვანი სტიმული იქნება“.
შეხვედრას სახელმწიფო რწმუნებულთან ერთად ცაგერის მუნიციპალიტეტის მერი ავთანდილ უგრეხელიძე, მერის მოადგილე მიხეილ მეშველიანი და საკრებულოს თავმჯდომარე გიორგი გუგავა დაესწრნენ.
მოსახლეობის უმრავლესობის გადაწყვეტილებით პროგრამის ფარგლებში გამოყოფილი თანხა სოფლის მთავარ გზაზე სანიაღვრე არხის მშენებლობას მოხმარდება.
კრებები ამ ეტაპზე ცაგერის მუნიციპალიტეტის სოფლებში ინტენსიურად მიმდინარეობს, რომლებსაც ადგილობრივი თვითმმართველობის ხელმძღვანელებთან ერთად სახელმწიფო რწმუნებულის ადმინისტრაციის წარმომადგენლებიც ესწრებიან.
„სოფლის მხარდაჭერის პროგრამის“ ფარგლებში მოსახლეობასთან შეხვედრები რაჭა-ლეჩხუმისა და ქვემო სვანეთის 80-ზე მეტ სოფელში ჩატარდა.
„სოფლის მხარდაჭერის პროგრამის“ ფარგლებში შეხვედრები რეგიონის მასშტაბით 20 თებერვლამდე გაგრძელდება. მოსახლეობა, კანონით გათვალიწინებული ნუსხიდან, თავად აირჩევს პროგრამის ფარგლებში გამოყოფილი თანხის მიზნობრიობას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.