დიდი ბრიტანეთის საჰაერო შემთხვევების საგამოძიებო სამსახურმა განაცხადა, რომ იმ თვითმფრინავის ნამსხვრევში, რომელსაც ფეხბურთელი ემილიანო სალა გადაჰყავდა, ნაპოვნია ცხედარი და ახლა ის პოლიციასთან და სალასა და მფრინავ დევიდ იბოტსონის ოჯახებთან კონსულტაციების ფონზე მოქმედების შემდგომ ნაბიჯებს განიხილავს.
სამძებრო სამუშაოები ზღვის ფსკერზე, 67 მეტრის სიღრმეში სპეციალისტების საზღვაო სატრანსპორტო საშუალების გამოყენებით მიმდინარეობდა.
დისტანციურად მართულმა საზღვაო სატრანსპორტო საშუალებამ ვიდეოგამოსახულების ანალიზზე დაფუძნებული ადგილები შეამოწმა და გამომძიებლებმა დაასკვნეს, რომ ობიექტი დაკარგული თვითმფირნავის ნამსხვრევი იყო.
ორშაბათს გავრცელებულ განცხადებაში საჰაერო შემთხვევების საგამოძიებო სამსახურმა განაცხადა: „დისტანციურად მართულმა საზღვაო სატრანსპორტო საშუალებამ ღამის განმავლობაში შემდგომი სამძებრო სამუშაოები განახორციელა, მაგრამ რაიმე დამატებითი ნამსხვრევები არ აღმოუჩენია.
ტრაგიკულია, რომ დისტანციურად მართული საზღვაო სატრანსპორტო საშუალების ვიდეოჩანაწერში თვითმფრინავში მყოფთაგან ერთი პირი ნამსხვრევის შუაში ჩანს“.
28 წლის არგენტინელი თავდამსხმელი სალა და 59 წლის მფრინავი იბოტსონი ჩრდილოეთ-დასავლეთ საფრანგეთის ქალაქ ნანტსიდან უელსის დედაქალაქ კარდიფში ერთტურბინიანი თვითმფრინავით მიფრინავდნენ, როდესაც საჰაერო ხომალდი 21 იანვარს სრუტის კუნძულების სიახლოვეს რადარებიდან გაუჩინარდა.
არგენტინელმა თავდამსხმელმა ინგლისის პრემიერ ლიგის კლუბ „კარდიფ სიტისთან“ 15 მილიონი ფუნტი სტერლინგის (19.3 მილიონი აშშ დოლარი) კონტრაქტს ახლახან მოაწერა ხელი და ფრანგულ „ნანტსში“ მის ყოფილ თანაგუნდელებთან გამომშვიდობების შემდეგ საფრანგეთიდან უელსის დედაქალაქში მიფრინავდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.