პარიზის სმხრეთ-დასავლეთ ნაწილში მდებარე 1970-იან წლებში აშენებულ 8-სართულიან საცხოვრებელ კორპუსში გაჩენილ ხანძარს 10 ადამიანის, მათ შორის ერთი ბავშვის სიცოცხლე ემსხვერპლა, 30-მა ადამიანმა კი, მათ შორის ექვსმა მეხანძრემ, დაზიანებები მიიღო, მათგან ერთის მდგომარეობა სერიოზულია.
უცნობია თუ რა გახდა ხანძრის გამომწვევი მიზეზი. როგორც პარიზის პროკურორმა განაცხადა, შესაძლოა ხანძარი განზრახ იყოს გაჩენილი. პოლიციამ ეჭვმიტანილი ქალბატონი დააკავა.
ეჭვმიტანილი, რომელიც შენობაში ცხოვრობდა, გავრცელებული ცნობით მთვრალი იყო და თავის ქმედებას მეზობელთან კონფლიქტით ამართლებდა.
სახანძრო სამსახურის წარმომადგენელმა ახალი ამბების სააგენტო AFP-ს უთხრა, რომ დაღუპულთა რიცხვი შეიძლება გაიზარდოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.