ვანის მუნიციპალიტეტში, „სოფლის მხარდაჭერის პროგრამის“ ფარგლებში, ადმინისტრაციულ ერთეულებში მოსახლეობასთან საკონსულტაციო შეხვედრები ინტენსიურად მიმდინარეობს.
შეხვედრები დღეს საპრასიის, უხუთის და გორას ადმინისტრაციული ერთეულების მოსახლეობასთან გაიმართა.
„სოფლის მხარდაჭერის პროგრამის" საშუალებით, ადგილობრივები თავად ახდენენ მათთვის პრიორიტეტული პროექტების ინიცირებას და დაგეგმვას.
დღევანდელ შეხვედრებს ვანის მუნიციპალიტეტის მერი ალექსანდრე გოგორიშვილი, მერის პირველი მოადგილე გონერი მეფარიშვილი, მერიის ინფრასტრუქტურის სამსახურის წარმომადგენლები და ადგილობრივი ხელისუფლების წევრები ესწრებოდნენ.
საპრასიაში მოსახლეობის ერთ-ერთ მთავარ მოთხოვნას შიდა გზების რეაბილიტაცია და ადმინისტრაციული შენობის მოწყობა წარმოადგენს, სოფელ რომანეთში კი, ადგილობრივებისთვის სანიაღვრე არხების რეაბილიტაცია, მინი სტადიონის მოწყობა და შიდა გზების აღდგენაა პრიორიტეტული.
საპრასიის ადმინისტრაციულ ერთეულში შემავალ სოფლებში მოსახლეობისთვის პრიორიტეტული პროექტების მხარდასაჭერად სახელმწიფო ბიუჯეტიდან 28 000 ლარია გამოყოფილი.
უხუთის ადმინისტრაციულ ერთეულში მოსახლეობის ძირითად მოთხოვნას შიდა საუბნო გზების რეაბილიტაცია და სანიაღვრე არხების მოწყობა წარმოადგენს.
იმერუხუთში ადგილობრივები სასმელი წყლის სიტემის რეაბილიტაციას, შიდა საუბნო გზების მოწყობასა და სანიაღვრე არხების გაწმენდას ითხოვენ.
მთლიანად უხუთის ადმინისტრაციულ ერთეულში სოფლის მხარდაჭერის პროგრამის ფარგლებში დაგეგმილ პროექტებზე 24 000 ლარია გამოყოფილი.
მიმდინარე წელს, „სოფლის მხარდაჭერის პროგრამის ფარგლებში გორას ადმინისტრაციულ ერთეულში, სოფელ ქვედა გორასა და ზედა გორაშიც ადგილობრივი მოსახლეობისთვის პრიორიტეტს შიდა საუბნო გზების რეაბილიტაცია და სანიაღვრე არხების მოწყობა წარმოადგენს, რისთვისაც სახელმწიფო ბიუჯეტიდან 28 000 ლარია გამოყოფილი.
„სოფლის მხარდაჭერის პროგრამის“ ფარგლებში მოსახლეობასთან საკონსულტაციო შეხვედრები ვანის მუნიციპალიტეტის სოფლებში 13 თებერვალს დასრულდება.
ინფორმაციას ვანის მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.