ადიგენის მუნიციპალიტეტის სოფლებში, „სოფლის მხარდაჭერის პროგრამის“ ფარგლებში, საერთო კრების სხდომების ჩატარება გრძელდება. ამჯერად სხდომები სოფლებში - ზარზმაში, უტყისუბანში, ფლატეში, არზნესა და მლაშეში გაიმართა.

დასაფინანსებელი პროექტების შერჩევა სოფლებში მოსახლეობასთან კონსულტაციებითა და სოფლის კრებებზე მიღებული გადაწყვეტილებებით მოხდა. მოსახლეობის მიერ წარმოდგენილი პრიორიტეტული წინადადებიდან, კენჭისყრის შედეგად ხმათა უმრავლესობით შერჩეულ იქნა პრიორიტეტული წინადადებები, რომელიც გულისხმობს:

• სოფელ ზარზმაში სარწყავი წყლის სისტემის მოწყობას

• სოფელ უტყისუბანში სარწყავი წყლის სისტემის მოწყობას

• სოფელ ფლატეში სასაფლაოს შემოღობვას

• სოფელ არზნეში გზების მოხრეშვასა

• სოფელ მლაშეში გარე განათებისა და ჯვრის განათების მოწყობას

სოფლების მიერ შერჩეული პროექტები დასამტკიცებლად ადიგენის მუნიციპალიტეტის საკრებულოს წარედგინება. სოფლის მხარდაჭერის პროგრამით, მუნიციპალიტეტებში მცირე ინფრასტრუქტურული პროექტები დაფინანსდება. სოფლის მხარდაჭერის პროგრამის ფარგლებში დასაფინანსებელი პროექტების კატეგორიებია:

• სასმელი წყლის სისტემები;

• სარწყავი სისტემები;

• სანიაღვრე არხები;

• ნაპირსამაგრი სამუშაოები;

• გზები;

• ხიდები;

• ცხაურები, ხიდბოგირები, გადასასვლელები;
• გარე განათება;

• სკოლების მიმდებარე ტერიტორიების კეთილმოწყობა;

• სკოლამდელი დაწესებულებები და შესაბამისი ინვენტარი;

• ამბულატორიული შენობები;

• კულტურის ოებიექტები;

• სპორტული ინფრასტრუქტურა, მოედნები და მოედნების ინვენტარი;

• სკვერები და სველი წერტილები შესაბამისი ინვენტარით;

• წისქვილების რეაბილიტაცია და შესაბამისი ინვენტარი;

• სასაფლაოს შემოღობვა; • თავშეყრის ადგილები, მოსაცდელები;

• მინიჰესები და შესაბამისი რეაბილიტაცია/აღდგენა.

„სოფლის მხარდაჭერის პროგრამის“ მიმდინარეობის და შესრულების საერთო კოორდინაციას და მონიტორინგს რეგიონული განვითარებისა და ინფრასტრუქტურის სამინისტრო განახორციელებს. საერთო კრებები აღმასრულებელი და საკანონმდებლო ხელისუფლების, მუნიციპალიტეტების წარმომადგენელთა, ასევე არასამთავრობო ორგანიზაციების ჩართულობით იმართება.

ინფორმაციას ადიგენის მუნიციპალიტეტის მერიის პრესსამსახური ავრცელებს.