ბრაზილიის ერთ-ერთი ყველაზე დიდი საფეხბურთო კლუბის „ფლამენგოს“ ახალგაზრდული გუნდის სამწვრთნელო ცენტრის საერთო საცხოვრებელში, რიო-დე-ჟაინეროში, გამთენიისას (ადგილობრივი დროით, 05:10 საათზე) გაჩენილ ხანძარს 10 ადამიანის სიცოცხლე ემსხვერპლა, იტყობინება BBC ადგილობრივ მედიაზე დაყრდნობით.
გავრცელებული ცნობით, ხანძარი მაშინ გაჩნდა, როდესაც ფეხბურთელებს ეძინათ.
ხანძრის გაჩენის მიზეზი ჯერჯერობით უცნობია. მისი ჩაქრობა 07:30 საათზე შეძლეს.
(ადამიანები „ფლამენგოს“ ახალგაზრდული გუნდის სამწვრთნელო ცენტრის გარეთ ელოდებიან ინფორმაციას)
დაღუპულთა იდენტიფიცირება არ მომხდარა, მაგრამ, როგორც ცნობილია, საერთო საცხოვრებელს 14-დან 17 წლამდე ასაკის მოზარდები იყენებდნენ.
დაზუსტებული ცნობით, გარდაცვლილთაგან ექვსი, 17 წლამდე ასაკის ფეხბურთელია, ხოლო 4 კლუბის თანამშრომელი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.