საქართველოს პრეზიდენტის სალომე ზურაბიშვილის ვიზიტი იმერეთის რეგიონში გრძელდება. პრეზიდენტმა რეგიონების განვითარებისა და მხარდაჭერის მიზნით ქუთაისში კულტურული მემკვიდრეობის ძეგლის ფორმატში ბოტანიკური ბაღი დაათვალიერა და სიმბოლურად ხე დარგო. ასევე, იმყოფებოდა ნიკო მარის სახლ-მუზეუმშიც.
საქართველოს პრეზიდენტმა რიონჰესის სათაო ნაგებობაც დაათვალიერა, რომელიც წარმოადგენს საინჟინრო და ინდუსტრიული არქიტექტურის გამორჩეულ ნიმუშს. კაშხალის აგების იდეა ფერომანგანუმის წარმოებას უკავშირდება, რომელიც დიდი რაოდენობით იაფ ელექტროენერგიას საჭიროებდა და ეს საკითხი ბერლინიდან მოწვეულ ჰიდროტექნიკოსს მიანდეს. 1927 წელს გეგმის საფუძველზე დამუშავებული პროექტით გადაწყდა მდინარე რიონზე, ქუთაისის მახლობლად ჰიდროელექტროსადგურის მშენებლობა. ასევე, პრეზიდენტი არქეოლოგიურ საიტსაც გაეცნო.
სალომე ზურაბიშვილს ქუთაისში, იმერეთში სახელმწიფო რწმუნებულის მოადგილე იოსებ ხახალეიშვილი და ადგილობრივი თვითმმართველობის წარმომადგენლები დახვდნენ.
დღის ბოლოს საქართველოს პრეზიდენტი აკაკი წერეთლის სახელმწიფო უნივერსიტეტში საზოგადოების სხვადასხვა სფეროს წარმომადგენლებს შეხვდება.
ინფორმაციას იმერეთის სამხარეო ადმინისტრაცია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.