ნატო-ს თავდაცვის მინისტერიალის ფარგლებში, საქართველოს თავდაცვის უწყების ხელმძღვანელმა ლევან იზორიამ ორმხრივი შეხვედრა ბულგარელ კოლეგასთან კრაზიმირ კარაკაჩანოვთან ალიანსის შტაბ-ბინაში გამართა.
ლევან იზორიამ კოლეგას ბულგარეთის მთავრობის მიერ საქართველოს სუვერენიტეტის, ტერიტორიული მთლიანობისა და ევროატლანტიკურ სივრცეში გაწევრიანების მხარდაჭერისთვის მადლობა გადაუხადა.
საქართველოს თავდაცვის მინისტრმა ბულგარელ კოლეგას ნატო-ში გაწევრიანების თვალსაზრისით თავდაცვის ძალებში გატარებული რეფორმები გააცნო. საუბრის ძირითადი თემატიკა შავი ზღვის უსაფრთხოების განმტკიცების პროცესში საქართველოსა და ნატო-ს შორის თანამშრომლობის ინტენსიფიკაციას შეეხო.
მინისტრებმა მრავალეროვნულ სწავლებებში ერთობლივ მონაწილეობაზე ისაუბრეს. როგორც ლევან იზორიამ აღნიშნა, ბულგარეთი „ნატო-საქართველოს სწავლებაში 2019“ ჩაერთვება და ასევე მონაწილეობას მიიღებს საქართველოში დაგეგმილ საერთაშორისო სწავლებაში „Agile Spirit 2019“.
მინისტრმა მადლობა გადაუხადა ბულგარეთის მხარეს, წინა წლებში ნატო-ს საკონტაქტო საელჩოს მიერ განხორციელებული აქტივობებისა და მხარდაჭერისთვის.
მიმდინარე წელს მინისტრი ოფიციალური ვიზიტით ეწვევა ბულგარეთს.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.