ხუთი ადამიანია მოკლული და რამდენიმე სხვას ჭრილობები აქვს მიყენებული მას შემდეგ, რაც აშშ-ის შტატ ილინოისის ინდუსტრიულ პარკში შეიარაღებულმა მამაკაცმა პარასკევს, ადგილობრივი დროით 13:24 საათზე ცეცხლი გახსნა, იტყობინება პოლიცია.
პოლიციის ოფიცრებთან ურთიერთსროლებისას ასევე მოკლულია შეიარაღებული მამაკაციც. ცეცხლსასროლი იარაღით 5 პოლიციელია დაჭრილი.
სროლები ჩიკაგოს დასავლეთით, დაახლოებით 40 მილის დაშორებით მდებრაე გარეუბანში, სამრეწველო კომპანია „ავრორაში“ მოხდა.
პოლიციამ შეიარაღებული მამაკაცის ვინაობა დაასახელა. ის 45 წლის გარი მარტინია, რომელიც კომპანიის თანამშრომელი იყო, თუმცა გავრცელებული ცნობით, ის თავდასხმამდე სამსახურიდან დაითხოვეს.
პოლიციის ოფიცრებმა დანაშაულის ჩადენის მოტივზე ვარაუდების გამოთქმაზე უარი განაცხადეს, მაგრამ როგორც გაზეთი „Chicago Sun-Times“-ი იტყობინება, ოჯახი აცხადებს, რომ იგი სამსახურიდან გაშვების გამო „სტერსის ქვეშ“ იმყოფებოდა.
ინციდენტი „ჰენრი პრატის კომპანიაში“ მოხდა - წარმოებაში, რომელიც წყლის მსხვილი მილებისთვის სარქველებს ამზადებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.