ლიეტუვის რესპუბლიკის დელეგაცია, მთავრობის კანცლერის ალგრიდას სტონჩაიტისის ხელმძღვანელობით, 17 თებერვალს დუშეთის მუნიციპალიტეტს ესტუმრა.
მუნიციპალიტეტის მერთან, ზურაბ სეხნიაშვილთან გამართულ სამუშაო შეხვედრაზე, მხარეებმა სხვადასხვა სფეროებში დანერგილი პრაქტიკების შესახებ ისაუბრეს და ერთმანეთს გამოცდილება გაუზიარეს, მათ ასევე განსაზღვრეს სამომავლო ურთიერთთანამშრომლობის პრიორიტეტული პროექტები კულტურისა და ტურიზმის სფეროში.
ვიზიტის ფარგლებში, მუნიციპალიტეტის სტუმრებმა მოინახულეს დუშეთის განახლებული ბულვარი და წმინდა ნიკოლოზის სახელობის ტაძარი, ბაზალეთის ტბა და ანანურის სამონასტრო კომპლექსი.
შეხვედრაში მონაწილეობდნენ: ლიეტუვის რესპუბლიკის საგანგებო და სრულუფლებიან ელჩი საქართველოში გიედრიუს პუოჯუნასი, ლიეტუვის მთავრობის კანცლერის მოადგილე ალმინას მაჩიულისი, ლიეტუვის რესპუბლიკის შინაგან საქმეთა მინისტრის მოადგილე ჩესლოვას მულმა, შინაგან საქმეთა სამინისტროს სამოქალაქო სამსახურის ხელმძღვანელი გედიმინას მიშკნისი, მთავრობის ადმინისტრაციაში სტრატეგიული დაგეგმვისა და მონიტორინგის ჯგუფის მთავარი მრჩეველი გოდა ალექსიატე, დუშეთის მუნიციპალიტეტის საკრებულოს თავმჯდომარე გიორგი ინაშვილი, მუნიციპალიტეტის მერი ზურაბ სეხნიაშვილი, მერის პირველი მოადგილე გიორგი თანიაშვილი და დუშეთის ლიეტუვურ - ქართული კულტურის ცენტრის ხელმძღვანელი ირმა ჯანგირაშვილი.
ვიზიტის დასასრულს დუშეთის მუნიციპალიტეტის მერმა სტუმრებს მიულოცა ლიეტუვის რესპუბლიკის დამოუკიდებლობის 101 წლისთავი და მათ სიმბოლური საჩუქრები გადასცა.
ინფორმაციას დუშეთის მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.