გარდაბნის მუნიციპალიტეტმა მიუსაფარი ძაღლების თავშესაფარში გადაყვანაზე ტენდერი გამოაცხადა.
მომსახურება თავშესაფარში გადაყვანასთან ერთად, ცხოველების მოვლა-კვებას, ვაქცინაციას, კასტრაციას და სტერილიზაციას, ძაღლების ყურის კლიპის მეშვეობით დაბირკვას და დაბრუნებას გულისხმობს.
სატენდერო დოკუმენტაციის მიხედვით, მუნიციპალიტეტის ტერიტორიაზე უმეთვალყურეოდ დარჩენილი ძაღლების დაჭერა საერთაშორისო სტანდარტების შესაბამისად, ჰუმანური მეთოდებით უნდა მოხდეს, რის შემდეგაც საკარანტინე და შემდგომ იზოლირების ვოილერებში უნდა მოათავსონ.
პრეტენდენტს უნდა გააჩნდეს თავშესაფარი, რომელიც აღჭურვილი იქნება:
ცხოველთა პირველადი მისაღები სათავსოებით (საკარანტინე ზონა, განათება, ვენტილაცია, გათბობა); ცხოველთა იზოლირებისათვის არსებული განცალკევებული სივრცით (ოთახი, ვოლიერი); შესაბამისად აღჭურვილი საოპერაციო კაბინეტით; ცხოველთა სადგომით (ნახევრად დახურული ტიპის).
შესყიდვის სავარაუდო ღირებულება 25 368 ლარს შეადგენს.
ინფორმაციას გარდაბნის საკრებულოს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.