„სოფლის მხარდაჭერის პროგრამის“ ფარგლებში, თერჯოლის მუნიციპალიტეტში დასახლებების საერთო კრებები და საკონსულტაციო შეხვედრები 18 ადმინისტრაციული ერთეულის 45 სოფელში ჩატარდა.
„45 სოფელში ჩატარებული კრებების შემდეგ გამოვლენილია 110 გამარჯვებული პროექტი, რომელთა განხორციელება საკრებულოში წარდგენისა და დამტკიცების შემდეგ დაიწყება. მნიშვნელოვანია, რომ ადგილობრივებმა თავად გადაწყვიტეს, ამ ეტაპზე რომელი პროექტის განხორციელება მოუტანს სოფელს სარგებელს. მოხარული ვარ, რომ სოფლის მხარდაჭერის პროგრამა აღდგა, რომლის ფარგლებშიც, თერჯოლის სოფლად მცხოვრები მოსახლეობის საკეთილდღეოდ ამ ეტაპზე 345 ათასი ლარი დაიხარჯება და არაერთი მნიშვნელოვანი პროექტი განხორციელდება“, განაცხადა თერჯოლის მუნიციპალიტეტის მერმა, ბონდო სოფრომაძემ.
გამარჯვებული პროექტების განხორციელების დეტალებზე იმსჯელეს თერჯოლის მუნიციპალიტეტის მერიაში გამართულ თათბირზე თერჯოლის მუნიციპალიტეტის დასახლებებში საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით შექმნილი სამუშაო ჯგუფის თავმჯდომარემ, მერის პირველმა მოადგილემ მანუჩარ ფანჩულიძემ, სამუშაო ჯგუფის წევრებმა და ადმინისტრაციულ ერთეულებში მერის წარმომადგენლებმა.
ინფორმაციას თერჯოლის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.