თერჯოლის მერიაში 2016-2017 სასწავლო წლების მედალოსანი კურსდამთავრებულების დაჯილდოების ცერემონია გაიმართა.
თერჯოლის მუნიციპალიტეტის მერმა ბონდო სოფრომაძემ, მერის პირველმა მოადგილემ მანუჩარ ფანჩულიძემ, მერიის კულტურის სამსახურის უფროსმა გურამ თურქაძემ და თერჯოლის საგანმანათლებლო რესურსცენტრის ხელმძღვანელმა ქეთევან შეყრილაძემ საჯარო და კერძო სკოლების 25 მედალოსანს, მათ შორის 18 ოქროსა და 7 ვერცხლის, რომელთა უმეტესობა დღეს უკვე წარმატებული სტუდენტია, მედლებთან ერთად სამახსოვრო საჩუქრები გადასცეს და შემდგომი წარმატებები უსურვეს.
თერჯოლის მუნიციპალიტეტის მერმა ბონდო სოფრომაძემ ჩხარის პირველი საჯარო სკოლის მე-11 კლასის მოსწავლეს ქრისტინე ჩიტიძეს, რომელიც წელს თერჯოლის „ეტალონი მოსწავლე“ გახდა და „ეტალონის“ შუალედურ ტურშიც გამარჯვება მოიპოვა, წარმატება მიულოცა და სამახსოვრო საჩუქართან ერთად ფულადი პრიზიც გადასცა.
„ოქროსა და ვერცხლის მედალოსნებს გილოცავთ სკოლის წარმატებით დასრულებას. თქვენს ცხოვრებაში ახალი ეტაპია - ცოდნისა და განვითარების ახალი პერსპექტივებით, თქვენ ხართ ჩვენი ხვალინდელი დღე და იმედს ვიტოვებ, რომ თქვენს ცოდნასა და გამოცდილებას ჩვენი ქვეყნის განვითარებას მოახმართ.
ის, რომ ამდენი მედალოსანი გვყავს, რითიც მე დღეს ძალიან ამაყი ვარ, თქვენი პედაგოგებისა და მშობლების დამსახურებაცაა, რისთვისაც მათ დიდ მადლობას ვუხდი. ახალგაზრდობის ხელშეწყობა ადგილობრივი თვითმმართველობის ერთ-ერთი მთავარი პრიორიტეტია, რისთვისაც მიმდინარე წელს აქტიურ მუშაობას განვახორციელებთ, რაც გამოიხატება ახალი სკოლებისა და ბაღების მშენებლობასა და რეაბილიტაციაში, ახალგაზრდობის საჭიროებებზე მორგებული სხვადასხვა პროგრამების განხორციელებაში“, აღნიშნა ბონდო სოფრომაძემ, როგორც ამას თერჯოლის მუნიციპალიტეტის მერიის პრესსამსახური იტყობინება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.