ჩრდილოეთ კორეის ლიდერი კიმ ჩენ ინი შეერთებული შტატების პრეზიდენტთან, დონალდ ტრამპთან შესახვედრად ვიეტნამის დედაქალაქ ჰანოიში მატარებლით გაემგზავრა.
იგი ჩინეთის სასაზღვრო ქალაქ დანდონგში შაბათს, ადგილობრივი დროით 21:00 საათზე ჩავიდა.
კიმ ჩენ ინის და დონალდ ტრამპის მეორე შეხვედრა ვიეტნამის დედაქალაქში ოთხშაბათისა და ხუთშაბათისთვისაა დაგეგმილი. მანამდე ორი ქვეყნის ლიდერი გასულ წელს სინგაპურში შეხვდა ერთმანეთს. ახლა ყველა თვალი მიპყრობილი იქნება იქითკენ, თუ რა ნაბიჯები გადადგა ფხენიანმა და როგორია პროგრესი ბირთვული განიარაღების საკითხში.
კიმ ჩენ ინი ვიეტნამში თავის დასთან, კიმ იო ჩონთან და ასევე მთავარ მომლაპარაკებელთან, ყოფილ გენერალ კიმ ჩენ ჩოლთან ერთად ჩადის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.