ამერიკის შეერთებული შტატების პრეზიდენტი დონალდ ტრამპი და ჩრდილოეთ კორეის ლიდერი კიმ ჩენ ინი ოთხშაბათს ერთმანეთს ვიეტნამის დედაქალაქ ჰანოიში შეხვდებიან მას შემდეგ, რაც გასული წლის ივნისში მათი პირველი ისტორიული შეხვედრა სინგაპურში გაიმართა. ორივე ლიდერი უკვე ჩასულია ვიეტნამში.
„ვიეტნამი აყვავების გზაზე დგას და ამ მხრივ ის მცირე ადგილებს შორისაა დედამიწაზე. ჩრდილოეთ კორეასაც იგივე ელოდება, და ძალიან მალე, თუ ის ბირთვულ განიარაღებას მოახდენს“, განაცხადა ტრამპმა „თვითერზე“.
„პოტენციალი შთაბეჭდილებებით აღსავსე, დიდი შესაძლებლობებია - როგორც თითქმის არავისთვის ისტორიაში - ჩემი მეგობარი კიმ ჩენ ინისთვის“, აღნიშნა ტრამპმა.
თეთრი სახლის ინფორმაციით, ტრამპი და კიმი სასტუმრო მეტროპოლში ადგილობრივი დროით საღამოს 6:30 საათზე შეხვდებიან და მათი პირისპირ, ერთი ერთზე შეხვედრა 20 წუთი გასტანს, რის შემდეგაც ლიდერები თავიანთ მრჩევლებთან ერთად სადილზე გადაინაცვლებენ. მოლაპარაკებების სერია ხუთშაბათსაც გაგრძელდება, თუმცა 28 თებერვლის შეხვედრების ადგილი ჯერჯერობით არ ვრცელდება.
ჰანოიში მდებარე სასტუმრო მეტროპოლში, რომელიც 118 წლისა, უსაფრთხოების განსაკუთრებული ზომებია მიღებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.