ზამთრის საბაზისო სამთო მომზადების კურსის პროცესის გასაცნობად ბაკურიანში აშშ-ის ელჩის მოადგილე საქართველოში ელიზაბეთ რუდი ჩავიდა. ამერიკელ დიპლომატს თავდაცვის სფეროში თანამშრომლობის ოფისის (ODC) წარმომადგენელთან, მაიორ თომას ჰატფილდთან ერთად პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის მეთაურმა, ვიცე-პოლკოვნიკმა მალხაზ გოლეთიანმა უმასპინძლა და სამთო კურსის მიზნებისა და ამოცანების შესახებ პრეზენტაცია წარუდგინა.
მოგვიანებით ელიზაბეთ რუდმა სასწავლო უბანზე გადაინაცვლა და ქართველი ინსტრუქტორების დახმარებით, ამერიკელ სამხედროებთან ერთად უშუალოდ ჩაერთო სამთო წვრთნაში. ამერიკელი სამხედროები ნატოს წევრი და პარტნიორი ქვეყნებიდან მოვლენილ ჯარისკაცებთან ერთად, ნატოს „პარტნიორობა მშვიდობისათვის" პროგრამის (PFP) ფარგლებში, სამთო მომზადებას ქართველი ინსტრუქტორების დახმარებით ბაკურიანში უკვე სამი კვირაა გადიან.
ამერიკელი სამხედროები თხილამურებზე სრიალს, ზვავში მოყოლილი ადამიანის ძებნისა და ევაკუაციის ტექნიკურ მეთოდებს, ასევე თხილამურებით დაბრკოლებათა ზოლის გადალახვას და თოვლის თავშესაფრის მოწყობას ეუფლებიან. კურსის განმავლობაში ისინი ტაქტიკურ მარშებსაც ახორციელებენ.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.