ვაზიანის IV მექანიზებულ ბრიგადაში სამეთაურო-საშტაბო სწავლება „საინჟინრო-ოპერატიული დონის დაგეგმვის სწავლება“ მიმდინარეობს. სწავლება ნატოს მხარდაჭერით, საქართველოს თავდაცვის ძალების გენერალური შტაბის ორგანიზებით იმართება და მიზნად ოპერატიულ დონეზე საინჟინრო მხარდაჭერის გეგმის შემუშავებას ისახავს. მასში საქართველოს თავდაცვის ძალების აღმოსავლეთ და დასავლეთ სარდლობების, ასევე, ეროვნული გვარდიისა და წვრთნებისა და სამხედრო განათლების სარდლობის საინჟინრო გვარეობების წარმომადგენლები მონაწილეობენ.
ოთდღიანი სწავლების განმავლობაში ნატოს მობილური საწვრთნელ ექსპერტთა ჯგუფი ქართულ მხარეს ოპერატიულ დონეზე დაგეგმვის საკითხებზე გამოცდილებას უზიარებს.
სწავლების ფარგლებში მსმენელები მობილურობის, კონტრმობილურობის, სიცოცხლისუნარიანობის, კონტრაიდის ოპერაციების დაგეგმვასთან დაკავშირებით მნიშვნელოვან ინფორმაციას მიიღებენ და საჭირო უნარებს განავითარებენ.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.