ამერიკის შეერთებული შტატების პრეზიდენტმა დონალდ ტრამპმა საგანგებო განკარგულება გამოსცა, რომლის თანახმადაც ყველა „Boeing 737 Max 8“ იკრძალება მას შემდეგ, რაც ბოლო 5 თვის განმავლობაში ამ ტიპის თვითმფრინავმა ორჯერ განიცადა ავიაკატასტროფა - ბოლოს, კვირას, 10 მარტს, ეთიოპიაში.
ტრამპმა თქვა, რომ აღნიშნული თვითმფრინავები აშშ-ის საჰაერო სივრცეში მანამ იქნება აკრძალული, ვიდრე „ბოინგი“ პრობლემის „გადაწყვეტის გზებს არ წარმოადგენს“.
10 მარტს ეთიოპიაში „Boeing 737 Max 8“-ის ჩამოვარდნის შედეგად ბორტზე მყოფი 157-ივე ადამიანი დაიღუპა. გასული წლის ოქტომბერში კი ამავე მოდელის ავიალაინერის ინდონეზიაში კატასტროფის შედეგად 189 ადამიანი დაიღუპა.
ოთხშაბათს, უფრო ადრე Boeing 737 Max 8“-ის გამოყენება დროებით კანადამაც აკრძალა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.